اسلام آباد ۔ 2 اگست (اے پی پی) وفاقی وزیر موسمیاتی تبدیلی زاہد حامدنال پاکستان وچ تعینات مراکش دے سفیر مصطفی صلاح الدین ملاقات کیتی اتے جاری سال دی چھیکڑ وچ مراکش اچ تھیونڑ آلی 22 ویں کانفرنس آف پارٹیز (سی او پی ۔ 22) دیاں تیاریاں تے خیالیں دا تبادلہ کیتا۔ ایں موقع تے وفاقی وزیرآکھیا جو پاکستان ایں کانفرنس وچ بھرپور شرکت کریسی۔ پاکستانی وفد وزارت موسمیاتی تبدیلی، منصوبہ بندی کمیشن، پانڑیں تے بجلی، سائنس تے ٹیکنالوجی اتے خارجہ امور دے حکام دے علاوہ آزاد جموں تے کشمیر، گلگت بلتستان، فاٹا اتے چاراں صوبیاں دے نمائندگان تے مشتمل ہوسی۔ واضح رہوے جو پاکستان موسمیاتی تبدیلی دے آٹھویں نمبر تے ہے اتے ایںحوالے نال درپیش خطرات دے نال نال موسمیاتی تبدیلی دے اثرات نال نبڑن توں متعلق اپنڑیاں ذمے داریاں توں بخوبی آگاہ ہے۔ پاکستان موسمیاتی تبدیلی ایکٹ تشکیل ڈیونڑ آلا چوتھا ملک ہے اتے موسمیاتی تبدیلی اتھارٹی دے قیام تے وی کم کریندا پئے ۔ وفاقی وزیر زاہد حامد مطالبہ کیتا جو کانفرنس دے موقع تے پاکستان کوں نسبتاً وڈا پویلین ڈتا ونجے تاں جو ایں کانفرنس دے موقع تے موسمیاتی تبدیلی توں متعلق پاکستان کوں درپیش خطرات اتے انہاں نال نبڑن سانگے کیتے ونجنڑ آلے اقدامات کوں چنگے طریقے نال اجاگر کیتا ونج جا سگے۔ مراکش دے سفیر یقین ڈیوایا جو انہاں دا ملک سی او پی 22 دیاںتیاریاں دے سلسلے وچ پاکستان کوں پورا تعاون فراہم کریسی۔
وفاقی وزیر زاہد حامد نال پاکستان وچ تعینات مراکش دے سفیر مصطفی صلاح الدین دی ملاقات ، مراکش وچ تھیونڑ آلی 22 ویں کانفرنس آف پارٹیز دیاں تیاریاں تے خیالیں دا تبادلہ
اسلام آباد ۔ 2 اگست (اے پی پی) وفاقی وزیر موسمیاتی تبدیلی زاہد حامدنال پاکستان وچ تعینات مراکش دے سفیر مصطفی صلاح...
مضمون کا ماخذ : کینڈی کیش
